У пасяджэнні камісіі па справах непаўналетніх прынялі ўдзел старшыня райвыканкама і пракурор раёна

Date 08.09.2022 Man
Comment 317
У пасяджэнні камісіі па справах непаўналетніх прынялі ўдзел старшыня райвыканкама і пракурор раёна

Адбылося чарговае пасяджэнне камісіі па справах непаўналетніх. На гэты раз праходзіла яно ў больш шырокім фармаце – з удзелам старшыні раённага выканаўчага камітэта Дзяніса Дзішука і пракурора Бярэзінскага раёна Дзмітрыя Макарэвіча.

У ліку парушальнікаў грамадскай дысцыпліны аказаліся як 10-12-гадовага ўзросту, так і тыя, хто ўжо праз месяц-другі ўступіць у дарослае жыццё і нясе поўную адказнасць за свае ўчынкі, у тым ліку і крымінальную. На жаль, як паказаў дыялог з юнымі парушальнікамі ў час пасяджэння, далёка не кожны ўсведамляе тую вялікую адказнасць, якую накладвае на чалавека дарослае жыццё.

Большасць запрошаных хлапчукоў (а ў ліку асоб, на якіх былі складзены адміністрацыйныя пратаколы была толькі адна дзяўчынка) аказаліся заўважанымі за ўжываннем алкагольных напояў, што і паслужыла прычынай умяшання супрацоўнікаў міліцыі. І калі некаторыя прызнавалі сваю віну і абяцалі больш не займацца такімі справамі, знаходзіліся і тыя, для каго ўшчуванні членаў камісіі былі ўсяго пустым гукам.

Падводзячы вынікі пасяджэння, Дзяніс Дзішук падкрэсліў, што прадстаўнікам маладога пакалення неабходна пастаянна нагадваць пра тую адказнасць, якая кладзецца на іх і іх бацькоў за ўчыненне правапарушэнняў і злачынстваў, да якіх мер пакарання могуць яны давесці, як і тое ж злоўжыванне алкагольных напояў. Юных асоб, якія былі б страчаны грамадствам, быць не павінна, мы (у першую чаргу сям’я) абавязаны стварыць усе неабходныя мовы для таго, каб не дапускаць злачынства ў падлеткавым асяроддзі.

Рэпартаж з пасяджэння чытайце ў раённай газеце

Источник:
Нашли ошибку? Выделите её и нажмите CTRL + ENTER