Наведвальнікі магазіна, прадаўцы, і наогул усе жадаючыя мелі магчымасць бясплатна павіншаваць сваіх матуль, напісаўшы адрас на прыгожых святочных паштоўках з вершамі. Варта зазначыць, жадаючых утварылася цэлая чарга.
– Прыемна ўсведамляць, што бярэзінцы шануюць сваіх матуль, жывуць у сэрцах людзей дабрыня, любоў і павага да самага святога, – заўважыла старшыня Бярэзінскага раённага аб’яднання прафсаюзаў Алена Токан. – А значыць, не згаснуць у грамадстве традыцыйныя сямейныя каштоўнасці.
Пакуль Алена Міхайлаўна тлумачыла прысутным сэнс мерапрыемства, старшыня райкама прафсаюза работнікаў АПК Марына Каўзуновіч дапамагала вызначыцца з выбарам паштовак і запоўніць адрасныя бланкі. Дарэчы, выбар паштовак і вершаваных віншавальных слоў на іх уражваў разнастайнасцю і мастацкім густам.
Акрамя мерапрыемства ў “ТриО”, акцыя прайшла і ў прафсаюзных арганізацыях прадпрыемстваў і ўстаноў. Напрыклад, прафсаюзная пярвічка Бярэзінскага філіяла “Здравушка-мілк” актыўна ўключылася ў працэс віншавання матуль.
– Гэта светлае свята – цудоўная нагода яшчэ раз сказаць усім мамам самыя пяшчотныя словы, падзякаваць за любоў і падтрымку, цярпенне і дабрыню, – адзначыла старшыня пярвічнай прафсаюзнай арганізацыі Алена Ермакова. – Работнікі нашай арганізацыі з задавальненнем карыстаюцца прапанаванай магчымасцю павіншаваць мам.
Аляксандр БЫЧКОЎСКІ.
Фота аўтара.