ДРБУ-192 добраўпарадкоўвае вуліцы і дарогі

Date 03.11.2022 Man
Comment 245
ДРБУ-192 добраўпарадкоўвае вуліцы і дарогі

Сёння дарожнікі ДРБУ-192 завяршылі работы па добраўпарадкаванні вуліцы Кастрычніцкай горада. Апошні невялікі яе ўчастак (амаль што ў самым канцы вуліцы), дзе да гэтага быў пакладзены толькі адзін слой асфальту, нарэшце быў даведзены да ладу. Такім чынам, вуліца Кастрычніцкая аказалася поўнасцю заасфальтаванай.

У гэты дзень рупіліся дарожнікі і яшчэ на адным аб’екце горада – добраўпарадкоўвалі дваровую тэрыторыю побач з інтэрнатам на вуліцы Перамогі, дзе таксама паклалі асфальт.

Як расказаў майстар ДРБУ-192 Васіль Дзюк, сёння яго калегі заняты таксама будаўніцтвам дарогі паміж Альхоўкай і Жарамцом. У выніку намаганняў спецыялістаў гэта лясная грунтавая дарога стане больш камфортнай і набудзе гравійнае пакрыццё.

Анатоль ПАЛЫНСКІ.

Фота Алены ГРОМАВАЙ.

Источник:
Нашли ошибку? Выделите её и нажмите CTRL + ENTER