Ведаеш правілы бяспекі? Атрымай прыз!

Date 23.11.2022 Man
Comment 134
Ведаеш правілы бяспекі? Атрымай прыз!

Сёння ў раённым аддзеле па надзвычайных сітуацыях адбылося падвядзенне вынікаў конкурсу сярод знаўцаў правілаў бяспекі, якія адказвалі на пытанні сумеснай сямейнай віктарыны РАНС і рэдакцыі газеты “Бярэзінская панарама”/

 

Заяўкі на ўдзел у конкурсе з адказамі на патынні віктарыны даслалі 12 сямей. Усе яны і былі запрошаны на ўрачыстасць.

Але перш, чым прыступіць да агучвання вынікаў, работнікі РАНС арганізавалі для юных гасцей і іх бацькоў экскурсію па сваім “штабе”. Былі наведаны дзяжурная часць, гараж выратавальнікаў (у машыных можна было нават пасядзець і сфатаграфавацца!), трэнажорная зала, пакой адпачынку. Шмат цікавага даведаліся экскурсанты і пра гісторыю службы выраватання на Бярэзіншчыне.

І вось усё гатова для ўручэння ўзнагарод. Да ўдзельнікаў конкурсу звяртаюцца галоўны рэдактар газеты “Бярэзінская панарама” Юлія Букель і першы сакратар РК БРСМ Кацярына Аўрамчык. Яны ж разам з інспектарам прапаганды РАНС Вольгай Ермаковай уручылі ўзнагароды. Пакрыўджаным не быў ніводзін удзельнік віктарыны і кожная сям’я атрымала дыплом за удзел у ёй. Мацнейшымі ж аказаліся сем’і Ермаловічаў, Верыных і Варановічаў. Іменна яны і сталі прызёрамі віктарыны. Акрамя дыпломаў і падарункаў ім дасталіся яшчэ і падпісныя квітанцыі на “Бярэзінскую панараму” на студзень 2023 года. Віншуем!

Анатоль ПАЛЫНСКІ.

Фота Алены ГРОМАВАЙ.

Источник:
Нашли ошибку? Выделите её и нажмите CTRL + ENTER