Тэхніку ведае дасканала, пры неабходнасці можа самастойна і аператыўна ліквідаваць паломку. На сваёй машыне працуе вельмі эфектыўна, замяняючы чатыры-пяць брыгад прафесійных вальшчыкаў лесу, якія нарыхтоўваюць драўніну ўручную. Стрэсаўстойлівы, з моцным характарам, – такія водгукі мы пачулі ў Бярэзінскім лясгасе пра Алега Мельніка. Ён – машыніст харвестара «BELARUS-SAMPO» МЛХ46.

– Калі я ўладкоўваўся ў арганізацыю, – гаворыць Алег Сямёнавіч, – менавіта ў той час па Бярэзіншчыне прайшоў першы буралом. У Шавярнічах у 2008-ым годзе пачынаў свой працоўны шлях, рабіў тады яшчэ на тралёвачным трактары.  Потым давялося папрацаваць на рубільнай машыне, а ў 2017-ым годзе прайшоў

адпаведныя курсы ў Бабруйску, у цэнтры павышэння кваліфікацыі, атрымаў пасведчанне машыніста харвестара.

Сёлета ў жніўні атрымаў новы «BELARUS-SAMPO» МЛХ46. Вось толькі вырубілі дзялянку ва Ушанскім лясніцтве, а цяпер пераязджаем  у Жукавец падрыхтоўваць наступную...

У калектыве Алега Сямёнавіча паважаюць за прафесіяналізм і стабільныя высокія паказчыкі, а дома галаву сям’і  шануюць за шчырае сэрца і жаданне ўсім дапамагчы любячая жонка Наталля з унучкай Ульянай і дачушкі Таццяна і Алёна.

Сёлета да прафесійнага свята Дня работнікаў лесу за сваю шматгадовую добрасумленную працу Алег Мельнік быў адзначаны падзякай Бярэзінскага раённага выканаўчага камітэта.

Алена ГРОМАВА.

Фота аўтара.