Вольга Агароднікава, жыхарка г. Беразіно:

– Сёлетні год аб’яўлены Кіраўніком нашай дзяржавы Годам якасці. Гэтае паняцце ўключае ў сябе не толькі якасныя паказчыкі выпускаемай прадукцыі, а і ў цэлым павышэнне якасці жыцця лю-дзей ва ўсіх напрамках. Адзін з іх – медыцынскае абслугоўванне. Хачу адзначыць, што ў гэтым напрамку на Бярэзіншчыне адбываюцца значныя перамены да лепшага. Побач з вядомымі масцітымі дактарамі працуюць і маладыя спецыялісты, якія з першых дзён самастойнай работы імкнуцца годна заявіць пра сябе. Шмат адбылося перамен і ў сельскіх установах аховы здароўя, дзе праве-дзены рамонты і закуплена новае абсталяванне. А значыць, наша здароўе знаходзіцца пад больш надзейнай аховай.

Сяргей, жыхар г. Беразіно:

– Паляпшэнне якасці жыцця адчуваю на сабе. Імкнуся да гэтага ўласнымі намаганнямі. Зараз мы заняты будаўніцтвам уласнага дома і на працягу гэтага года мяркуем адзначыць наваселле. А гэта не толькі дах над галавой, а і ўпэўненасць у заўтрашнім дні і нас, маладой сям’і, і нашых дзяцей. Веру, што іх жыццё будзе толькі светлым і радасным пад мірным небам роднай Беларусі. Ведаю, што многія бярэзінцы будуюцца і атрымліваюць кватэры, у тым ліку і з дзяржаўнай падтрымкай. І ў гэтым даволі ярка адлюстроўваецца клопат пра якасць. Якасць жыцця.