Людзі прыходзяць сюды не толькі за пакупкамі, а і проста пагутарыць, паслухаць навіны. А калі ў гэтым гандлёвым пункце працуе шчыры і адкрыты чалавек, які ўжо стаў сваім, падобны малюнак становіцца нормай. Гэта ў поўнай меры датычыцца і котаўскага магазіна, прадаўшчыцай якога вось ужо шмат гадоў працуе Мая Мытнік.

Яна не толькі добра вывучыла мясцовых жыхароў і іх патрэбы, клапоціцца аб тым, каб на прылаўках быў неабходны тавар, ахвотна прымае папярэднія заяўкі і своечасова выконвае іх. Паказальным у плане таго, наколькі Мая Міхайлаўна “зраслася” са сваімі пакупнікамі, з’яўляецца наступны факт.

Калі ва ўшанскім магазіне з’явілася вакансія і Маі Мытнік прапанавалі заняць яе, паколькі жанчына жыве ва Ушы і гэта зняло б праблемы з дарогай, тая наадрэз адмовілася пакідаць ранейшае месца. Што і казаць, факт больш чым красамоўны.