У семінары прынялі ўдзел начальнік упраўлення па працы, занятасці і сацыяльнай абароне Вольга Калячка, начальнік упраўлення па адукацыі, спорце і турызме Алеся Цітова, галоўны спецыяліст аддзела ідэалагічнай работы, культуры і па справах моладзі Таццяна Бакун, намеснік начальніка ўпраўлення па працы, занятасці і сацыяльнай абароне Святлана Сайкоўская, дырэктар ДУ "Бярэзінскі ТЦСОН" Алена Жолудзева, галоўны ўрач УАЗ "Бярэзінская ЦРБ" Крысціна Крук, начальнік аддзела пенсійнага забеспячэння ўпраўлення па працы, занятасці і сацыяльнай абароне Вольга Хацько, галоўны спецыяліст аддзела матэрыяльна-бытавога забеспячэння і працоўных адносін Наталля Жукоўская, старшыня аб'яднаных прафсаюзаў Алена Токан, старшыня БелТІ Бярэзінскага раёна Васілій Шалупенка, прадстаўнікі працоўных калектываў – старшыні прафсаюзных камітэтаў і інш.

У Рэспубліцы Беларусь склалася сістэма гарантаваных дзяржавай мер, накіраваных на забеспячэнне жыццядзейнасці і паўнапраўнага ўдзелу ўсіх грамадзян у жыцці грамадства. Сюды ўваходзіць комплекс ільгот і гарантый, мер сацыяльнай падтрымкі, рэалізацыя дзяржаўных праграм.

На семінары былі разгледжаны пытанні і накірункі працы з грамадзянамі, якія маюць інваліднасць, службамі і арганізацыямі раёна. Узнімаліся праблемныя пытанні па медыцынскім абслугоўванні, працаўладкаванні, забеспячэнні сродкамі рэабілітацыі, атрыманні розных відаў паслуг. Распавяла таксама аб практыцы прымянення дзяржаўных гарантый для людзей з інваліднасцю старшыня прафкама Бярэзінскага філіяла Мінскага абласнога спажывецкага таварыства Алеся Несцяровіч.

Так, у раёне пражывае 1603 чалавекі, якія маюць інваліднасць, і 123 сям'і, якія выхоўваюць дзяцей-інвалідаў. З іх інвалідаў-калясачнікаў - 97 чалавек, інвалідаў па зроку - 79 чалавек, па слыху – 16 чалавек.

Інваліды і іншыя асобы, якія маюць патрэбу ў дапамозе, заўсёды знаходзіліся ў зоне пастаяннай увагі дзяржавы. Ім гарантаваны сацыяльная падтрымка ў выглядзе грашовых выплат (пенсіі, дапамогі, дзяржаўная адрасная сацыяльная дапамога) і аказанне сацыяльных паслуг.

Падрыхтавала Алена ГРОМАВА.