Сёння ён у свае 19 гадоў (а гэта, бадай, самы юны ўдзельнік сёлетняга жніва), працуючы камбайнерам, годна папоўніў атрад бярэзінскіх тысячнікаў. Малайчына! Ёсць чым ганарыцца бацьку. Ды і бацька таксама аказаўся не лыкам шыты. На сваім МТЗ ён з пачатку ўборкі паспеў даставіць на збожжаток больш за тысячу тон збажыны.

Таму ў час узнагарод за дасягнутыя поспехі ад раённага выканаўчага камітэта райкама прафсаюза работнікаў АПК  і адміністрацыі ААТ “Пагосцкі” было вельмі прыемна ўручаць заслужаныя падзячныя лісты адначасова прадстаўнікам двух пакаленняў Данільчанкаў.

Сапраўды, бацькава навука дарагога каштуе. Дарэчы, Даніла ў гэты ж дзень быў адзначаны граматай і падарункам раённага камітэта БРСМ як адзін з лепшых удзельнікаў маладзёжнага спаборніцтва на жніве.

 Анатоль ПАЛЫНСКІ.

Фота аўтара.