Последние:
Корманарыхтоўка ў гаспадарках раёна працягваецца. Яе паспяховаму правядзенню садзейнічае і ўсталяванае апошнімі днямі сонечнае надвор’е. Таму і спяшаюцца аграрыі папоўніць запасы на наступную зімоўку. Чым жа сёння могуць пахваліцца сельгасвытворцы? У іх засеках, сенасховішчах, сянажных траншэях зараз захоўваецца 4806 тон сена, 90127 тон сенажу і аж 129553 тоны сіласу. І пакуль дазваляе прырода і не ўбраны да канца палеткі кукурузы, работа гэта будзе яшчэ прадаўжацца і прадаўжацца.
Між тым, ужо цяпер на ўмоўную галаву жывёлы ў гаспадарках назапашана па 28,69 цэнтнера кармавых адзінак, што перавышае мінулагодні паказчык. А ў філіяле “Ома”, СУП “Здравушка-агра”, ААТ “Брадзец” і ААТ “Першамайскі” гэты паказчык перавышае 30 цэнтнераў кармавых адзінак.
Так што сёлетняя зімоўка абяцае быць сытнай, што, безумоўна, адаб’ецца і на паказчыках прыбаўленняў у вазе БРЖ і надояў.
г. Березино, ул. Комсомольская, 27
gazeta@b-panoram.by
+375-1715-6-92-71
10.10.2022
1087