Последние:
Уборка кукурузы гаспадарках раёна падыходзіць да свайго завяршэння. Ужо поўнасцю яе ўбралі ў сельгасфіліяле “Ома”. Блізіцца да завяршэння гэтая работа (засталіся няўранымі менш як па 10 працэнтаў плошчаў) ў СУП “Здравушка-агра”, філіяле “Арэшкавічы” і ААТ “Брадзец”. З убранай зялёнай масы нарыхтавана 165436 тон зялёнага корму і сіласу пры сярэдняй ураджайнасці 238 цэнтнераў з гектара.
Акрамя таго атрымана 3454 тоны зерня кукурузы. Ураджайнасць пачаткаў склала 64,2 цэнтнера з гектара. Найбольшую колькасць зерня кукурузы ўжо нарыхтавалі у СУП “АграМАЗ” (1000 тон), і ААТ “Брадзец” – 972 тоны.
Такім чынам, з улікам назапашаных кармоў гаспадаркі раёна маюць па 30,45 цэнтнераў кармавых алдзінак на ўмоўную галаву жывёлы. Больш высокі гэты паказчык у ААТ “Брадзец” (36,27 ц к. адз.), СУП “Здравушка-агра” (34,74) і ААТ “Першамайскі” (34,37).
Нарыхтоўка кармоў працягваецца.
г. Березино, ул. Комсомольская, 27
gazeta@b-panoram.by
+375-1715-6-92-71
479