Не забываюць тут і пра догляд ужо засеяных участкаў. У “Арэшкавічах” ужо завяршылі першую падкормку і прыступілі да другой. Напрыклад, Канстанцін Кухаронак на сваёй “Расе” ўносіць пад збожжавыя кас, а Ігар Макарэвіч з раскідвальнікам РУ-7000 уносіць мінеральныя ўзгнаенні.

Зладжана ў пары на ўнясенні арганікі працуюць Анатоль Калбаска і Міхаіл Дзівін. Першы з іх – на трактары з раскідвальнікам, другі – на пагрузчыку “Амкадор”.

Не менш плённы дуэт складаюць таксама Андрэй Смычок і Пётр Мельнік. У іх – самы адказны від работ: яравая сяўба, да якой у гаспадарцы прыступілі 21 сакавіка. Андрэй працуе на энерганасычаным МТЗ з пасяўным агрэгатам, а Пётр клапоціцца аб тым, каб яго напарнік заўсёды бесперабойна быў забяспечаны насеннем і не губляў марна часу.

Яравы клін у сельгасфіліяле – не надта вялікі, ды і механізатары, занятыя гэтай справай, людзі адказныя і працавітыя. Таму сяўба павінна прайсці, як і ў мінулыя гады,  у сціслыя і аптымальныя тэрміны.

Анатоль ПАЛЫНСКІ.

Фота аўтара.