А за тым, каб участак пашы страўліваўся паступова і эфектыўна, тут сочаць два пастухі-даглядчыкі – Аляксандр Гушча і Міхаіл Яроцкі. Умовамі працы яны задаволены, як і тым, што вадой і соллю жывёла забяспечваецца пад патрэбу і без затрымак. Яны ж перыядычна, праз кожныя дзве гадзіны, у адпаведнасці з нормай, перастаўляюць загародку з электрапустухом для далейшага страўлівання травы. На пашы жывёла знаходзіцца з 8 да 17 гадзін, пасля чаго вяртаецца ў кароўнікі, дзе акрамя спажытага за дзень мае датаковае камрленне з кукурузнага сіласу і “зялёнкі”.

Як адзначыла загадчыца МТФ Таццяна Крывашэя-Дзамукашвілі, выпасаецца толькі адзін гурт фермы з ліку кароў, якія даюць малако класа “экстра”. Астатнія 150 галоў знаходзяцца на ўтрыманні ў памяшканнях. Да выпасу на пашы ў гаспадарцы таксама перавялі жывёлу, якая знаходзіцца на пагосцкай ферме. За сезон “вялікага малка” жанчына мяркуе істотна павысіць узровень надояў, якія ўжо зараз пакрыхту сталі расці.

Анатоль ПАЛЫНСКІ.

Фота Паўла САЛАЎЁВА.