– Я працую поварам у адным з дзіцячых садкоў горада. На працу дабірацца даводзіцца рана раніцай, а яшчэ на таксі, бо паўсюдна па горадзе бегаюць вялікія бадзяжныя сабакі. Тэлефанавала на “115” і ў міліцыю, але сітуацыя не выпраўляецца. Куды яшчэ звяртацца, каб быць пачутай?
Вольга, горад Беразіно.
Адказвае начальнік аддзела па рабоце са зваротамі грамадзян і юрыдычных асоб райвыканкама Наталля Аскірка:
– Са сваімі скаргамі бярэзінцы заўсёды могуць звярнуцца на тэлефон “прамой лініі” райвыканкама, якая працуе па суботах з 9 да 12 гадзін па нумары 5-36-38. Скаргаў наконт бадзяжных сабак не паступала.
Ці закрыецца паштовае аддзяленне ў аграгарадку Брадзец?
– Ходзяць чуткі, што плануецца закрыць паштовае аддзяленне ў аграгарадку Брадзец. Інакш чаму яно практычна не працуе?
Святлана, аграгарадок Брадзец.
Адказвае начальнік філіяла раённага вузла паштовай сувязі РУП “Белпошта” Вікторыя Лагоўская:
– Гэта не так. У паштовым аддзяленні аграгарадка Брадзец адкрыта вакансія і пакуль гэта так, яно працуе адзін дзень на тыдзень.
Калі ў вас ёсць пытанні, звяртайцеся па тэлефоне 5-52-91. Адкажам.
Падрыхтавала Мілана ТРАПЯНОК.
Фота Алены ГРОМАВАЙ.