Гэта наша гісторыя, наша памяць, мы павінны ёю ганарыцца!

Date 01.07.2022 Man
Comment 605
Гэта наша гісторыя, наша памяць, мы павінны ёю ганарыцца!

3 ліпеня 2022 года жыхары нашай краіны адзначаюць галоўнае свята беларускай дзяржаўнасці - Дзень Незалежнасці Рэспублікі Беларусь і 78-годдзе вызвалення ад нямецка-фашысцкіх захопнікаў.

Рашэнне аб святкаванні Дня Незалежнасці 3 ліпеня, у дзень вызвалення сталiцы Беларусі ад нямецкай акупацыі, было прынята падчас рэферэндуму ў 1996 годзе.

Для кожнага з нас, без сумневу, гэта асаблівая дата, якая аб'ядноўвае не адно пакаленне. Сёння мы жывём у мірнай суверэннай дзяржаве. Навучаемся, працуем, спакойна будуем нашу будучыню.Але не забываем пра тых, хто коштам уласнага жыцця здабываў для нас гэты мір і волю.

3 ліпеня - вельмі значны дзень і для маёй сям'і. Гэта свята з'яўляецца сімвалам нацыянальнага гонару, доблесці і славы, увасабленнем адзінства і згуртаванасці людзей.

- Па традыцыі, святкуем Дзень Незалежнасці весела, як і заўсёды, на працы! Ці то канцэрты, ці то выстаўкі, прымеркаваныя да свята. Але ўдзельнічаем ўсёй сям'ёй, усе разам і дзеці абавязкова з намі! Разам мысіла! Разам мы - гарантыя будучыні нашай краіны! - дзеліцца тата.

Таксама стала нашай сямейнай традыцыяй віншаваць з Днём Незалежнасці, дзякаваць за ўклад у развіццё нашай краіны Прыходзька Надзею Кузьмінічну, на даму сям'і загінуўшага ў Вялікай Айчыннай вайне.

Надзея Кузьмінічна нарадзілася 7 студзеня 1937 года, маленькай дзяўчынкай яна засталася без таты, які загінуў у час жорсткай і жудаснай вайны. Ніхто і нішто не можа суняць той боль і страту ў сведкаў таго нялёгкага часу.

- Зусім маленькая была, але ўжо ўсё разумела. Помню, як тата не вярнуўся... і як цяжка было ў вайну, як пасля будавалі ўсё з нуля, - са слязамі на вачах расказвае Надзея Кузьмінічна. - Мы ўсё вытрымалі, ўсё змаглі. Мы атрымалі сваю незалежнасць! Таму вы, новае пакаленне, павінны не проста ведаць, памятаць, а і далей расказваць, перадаваць пра подзвігі і гераічныя ўчынкі кожнага чалавека, якія былі сведкамі і ўдзельнікамі Вялікай Айчыннай вайны. Наш святы абавязак - ні ў якім разе не дапусціць такіх жудасных кровапралітных падзей. Беражыце тое, што вы маеце. Беражыце нашы традыцыі. Жадаю ўсім моцнага здароўя і вялікага шчасця. Са святам!

І сапраўды, Дзень Незалежнасці нагадвае аб тым, якім коштам нашаму народу дасталася незалежнасць, падкрэслівае яе каштоўнасць і прымушае задумацца аб будучыні. Свята аб'ядноўвае ўсіх, хто жыве ў Беларусі, дазваляе ганарыцца сваёй краінай, яе гісторыяй.

Яніна КЛІМОВІЧ.
Фота аўтара.

Источник:
Нашли ошибку? Выделите её и нажмите CTRL + ENTER
Другие материалы в этой категории: « “Заўтра была вайна” Наша память - священна »
« Февраль 2023 »
Пн Вт Ср Чт Пт Сб Вс
    1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28