На ўчастку для галасавання № 5, які размясціўся ў будынку раеннай шклы мастацтваў, раніцай 24 лютага было нязвыкла ціха,.

— Пакуль у нас людзей няшмат, — заўважае старшыня ўчастковай камісіі Аксана Палянская, — а ўсё таму, што на замацаваных за нашым участам вуліцах і населеных пунктах шмат працуючых. Яны абавязкова зробяць свой выбар, але ў асноўны для галасавання дзень 27 лютага. Для іх будзе наладжаны падвоз і культурна- забаўляльная праграма.

Аднак сумаваць доўга без справы назіральнікам і членам камісіі не давялося.

– Па-ранейшаму вялікую актыўнасць дэманструюць нашы пенсіянеры, — тлумачыць Аксана Валер’еўна. — Дарэчы, першымі прагаласавалі на нашым участку мужі і жонка з вёскі Святліца і мужчына з суседняй вуліцы Юбілейнай горада.

У пацвярджэнне слоў на ўчастку якраз галасаваў пенсіянер з вёскі Святліца Аляксандр Пракудзін.

– Хачу, каб дзеці і ўнукі нашы заставаліся патрыётамі і з маленства знаёміліся з пачуццём грамадзянскага доўгу, – сказаў ён. – Я заўсёды хаджу на выбары, рэферэндумы таму, што гэта мой доўг як грамадзяніна, і разумею, што кожны беларус праз галасаванне можа паўплываць на будучыню краіны. Краіны, якую хочацца бачыць мірнай, хочацца, каб яна ішла па шляху развіцця.Ва ўсіх была магчымасць пазнаёміцца з праектам змяненняў і дапаўненняў Канстытуцыі, ішло маштабнае абмеркаванне, падчас якога кожны мог унесці свае прапановы, праводзіліся сустрэчы і з калектывамі. Для сябе я адразу адзначыў, што вітаю захаванне ў дзяржаве ўсіх сацыяльных гарантый і гістарычнай праўды, падтрымліваю тэзіс пра тое, што беларусы павінны клапаціцца пра сваё здароўе, ды і многія іншыя пазіцыі, якія знайшлі адлюстраванне ў абноўленым Асноўным Законе. Наспела неабходнасць змяніць Канстытуцыю, гэта патрабаванне часу. Свой выбар я зрабіў і раю кожнаму не быць абыякавым, далучыцца.

Фота Алены ГРОМАВАЙ.