Зразумелая справа, вопыт пражытых гадоў дазваляе больш правільна ўзважыць і надзейна ацаніць далейшыя перспектывы развіцця як дзяржавы, такі і ўласна роднага краю. Канстанцін Сяргеевіч нарадзіўся ў 1933 годзе, помніць і ваеннае ліхалецце, і аднаўленне гаспадарак з вытворчасцю, і станаўленне краіны, і час перабудовы, і няпростыя 90-я, і сёння з вялікім задавальненнем удзельнічае ў рэферэндуме.

Паважаючы нямалыя гады даўно немаладога мужчыны, да яго ў госці прыбылі сёння прадстаўнікі выбарчай камісіі з урнай, каб даць магчымасць выказаць уласную грамадзянскую пазіцыю дома.

“Аддаю свой голас за шчаслівую будучыню нашых нашчадкаў, за мірнае неба, за тое, каб панаваў дабрабыт і ў аднавяскоўцаў, і ў краіне”, — падкрэсліў шаноўны выбаршчык.