Яшчэ адным месцам наведання галасуючых стануць і мясцовыя магазіны, якія будуць працаваць на працягу ўсяго часу галасавання і радаваць пакупнікоў сваім больш насычаным асартыментам.

І Любушанскі магазін, як расказала яго прадаўшчыца Ларыса Чысцякова, таксама не будзе выключэннем. Ужо сёння, у суботу, сюды завязуць прадукцыю фабрыкі “Камунарка”, каб паласаваць аматараў салодкага. Будзе шырока прадстаўлена выпечка (піражкі, беляшы, руляда), жараная мойва для аматараў рыбы, ну і, канечне ж, тарты. У наяўнасці нямала акцыйных тавараў.

Вялікай папулярнасцю ў жыхароў карыстаецца садавіна, ды і іншыя харчовыя і прамысловыя тавары тут на паліцах надоўга не залежваюцца. Набывае папулярнасць акцыя па продажы тавараў з 10-працэнтнай скідкай для пенсіянераў, якія адпускаюцца па прад’яўленні пенсійнага пасведчання.

Анатоль ПАЛЫНСКІ.