Да прыкладу, у студзені 2022 годзе ў аграгарадку Брадзец на пажары, што паспачаўся з-за парушэння правілаў эксплуатацыі катла атаплення, загінуў пенсіянер, яшчэ адзін мужчына выратаваўся, але атрымаў апекі. Найбольш тыповыя “карціны”, што бачаць ратавальнікі падчас абследвання жылля людзей, наступныя: печы з расколінамі, непатынкаваныя коміны, наяўнасць рэчаў на гарачых ляжанках, няспраўныя дзверцы печы, недастатковых памераў металічны ліст на падлозе ля топліўнай дзверкі.
Неабходна памятаць:
- у печы не павінна быць расколін і шчылін, а комін павінен мець добрую цягу і быць пабеленым вапнавым растворам;
- кладзіце перад топкай на падлозе металічны ліст памерамі 50х70 см – гэта будзе аховай для падлогі ад вуглей;
- не выкарыстоўвайце пры падпалцы лёгкаўзгаральныя і гаручыя вадкасці;
- пры топцы шчыльна зачыняйце дзверцы печкі ці катла;
- здыміце з гарачай ляжанкі вопратку і іншыя гаручыя матэрыялы;
- не пакідайце без нагляду печку, якая топіцца.
Зімовыя халады не пачуюць апраўданняў нядбайных гаспадароў накшталт: “не паспелі”, “забыліся”, “і так добра”. Нядбайнасць самога чалавека вядзе да бяды ў пераважнай колькасці выпадкаў пажараў. Улічвайце гэта і заўседы памятайце тэлефоны службы ратавання - 101, 112.
Вольга Ермакова,
інспектар прапаганды Бярэзінскага РАНС.