Мітынг з нагоды Дня народнага адзінства

Date 16.09.2022 Man
Comment 194
Мітынг з нагоды Дня народнага адзінства

Сёння ў гарадскім скверы адбыўся мітынг, прысвечаны Дню народнага адзінства, у якім прынялі ўдзел кіраўнік справамі Бярэзінскага райвыканкама Міхаіл Бурцаў, пракурор Бярэзінскага раёна Дзмітрый Макарэвіч, начальнік Бярэзінскага раённага аддзела Дзяржаўнага камітэта судовых экспертыз Міхаіл Ходас, прафсаюзныя актывісты Бярэзіншчыны, прадстаўнікі грамадскага аб’яднання “Белая Русь”.

У 2021 годзе ў календары Рэспублікі Беларусь з’явілася новае свята, якое адзначаецца 17 верасня – Дзень народнага адзінства. Дата невыпадковая: 17 верасня 1939 года пачалося аб’яднанне Заходня і Усходняй Беларусі. Гэты дзень стаў актам гістарычнай справядлівасці ў адносінах да беларускага народа, раздзеленага супраць яго волі ў 1921 годзе па ўмовах Рыжскага мірнага дагавора. Адноўленае адзінства дазволіла выжыць Беларусі ў Вялікай Айчыннай вайне, стаць адным з сузаснавальнкам ААН.

Перад сабраўшыміся выступіла старшыня Бярэзінскага раённага аб’яднання прафсаюзаў Алена Токан. Як адзначыла прамоўца, новае свята – нагода задумацца пра значэнне памяці і ўласнай гісторыі, пра тое, што замоўчванне яе старонак не праходзе бесслядоўна. З’яднанне беларусаў у 1939 годзе стала важнай падзеяй у лёсе народа. Успамінаючы падзеі мінулага, мы павінны разумець, што нашыя дзеянні павінны быць накіраваныя на папярэджванне грамадскіх канфліктаў, сацыяльнай і палітычнай варожасці, страты дзяржаўнага суверэнітэта.

- Сплочанасць, салідарнасць і ўзаемаразуменне беларусаў, з’яднаных гістррыяй, традыцыямі, культурай і агульным духам павагі і равенства – гэтыя якасці заўсёды былі галоўнымі для беларусаў, такімі і павінны заставацца, - сказала Алена Міхайлаўна. – Адказваючы на пытанне: у чым значнасць дзяржаўнага свята Дня народнага адзінства для Беларусі, разумеем галоўнае – паважаць традыцыі свайго народа, любіць і аберагаць сваю краіну, заўсёды быць патрыётамі Рэспублікі Беларусь. Мы – разам! Адзінствам моцная Беларусь!

Мітынг закончыўся ўскладаннем кветак помніку загінуўшым воінам і партызанам.

 

Аляксандр БЫЧКОЎСКІ.

Фота аўтара.

 

 

Источник:
Нашли ошибку? Выделите её и нажмите CTRL + ENTER