Сёння свята ўраджаю
адзначае наш раён.
Араматным караваем
прывітаем працы плён.
Карагоды,песні,вершы
ўрачыстыя гучаць.
Ужо сабраўся люд тутэйшы
хлебаробаў віншаваць.
Каб аддзячыць за трывогі,
пакланіцца да зямлі
іх мазолістым далоням,
увабраўшым пах раллі.
У засек сваёй краіне
перадаць бясцэнны груз.
Каб мацнела ты, Айчына,
дарагая Беларусь!
Людміла БАНДАРЧЫК.