Сертыфікат на 20 тысяч рублёў атрымала Пагосцкая школа падчас правядзення апошняга званка

Date 30.05.2022 Man
Comment 530
Сертыфікат на 20 тысяч рублёў атрымала Пагосцкая школа падчас правядзення апошняга званка

Шмат усмешак, усхваляванасці і радасці было сёння на тварах выпускнікоў, педагогаў і бацькоў падчас урачыстай лінейкі, што прайшла ва ўстанове адукацыі “Пагосцкая сярэдняя школа – дзіцячы садок”.

Словы віншаванняў і на дарогу ў дарослае жыццё адзінаццацікласнікам прысвячалі дырэктар школы, першы настаўнік і класны кіраўнік выпускнікоў, бацькі і, безумоўна, першакласнікі. Чулліва і ўзнёсла дзячылі сваіх педагогаў віноўнікі свята. Іх сёлета восем, і ў кожнага наперадзе вялікія планы, здзяйсненні і светлы шлях.

З пажаданнямі знайсці сябе і стаць надзейнымі грамадзянамі роднай Беларусі да выпускнікоў звярталіся шаноўныя госці лінейкі - начальнік галоўнага ўпраўлення спорту і турызму  Мінаблвыканкама Яўген Булойчык, намеснік начальніка ўпраўлення па адукацыі, спорце і турызме райвыканкама Ала Петруковіч і намеснік начальніка аддзела жыллёва-камунальнай гаспадаркі райвыканкама Анастасія Баярэвіч. На мерапрыемства яны прыбылі не з пустымі рукамі: так, Я. Булойчык у якасці падарунка ўручыў дырэктару школы Наталлі Жыгар сертыфікат на 20000 рублёў на ўмацаванне матэрыяльна-тэхнічнай базы ўстановы адукацыі.

У завяршэнні свята выпускнікі прайшлі свой апошні, развітальны круг гонару.

Гучыць апошні званок… Бывай, школа! І да сустрэчы ў новым дарослым жыцці.

Анатоль ПАЛЫНСКІ.

Фота аўтара.

Источник:
Нашли ошибку? Выделите её и нажмите CTRL + ENTER