Последние:
Старшыня прафсаюзнай арганізацыі работнікаў АПК Марына Каўзуновіч і галоўны спецыяліст ўпраўлення па сельскай гаспадарцы і харчавання Бярэзінскага райвыканкама Дзіяна Цімашэўская пабывалі ў ААТ “Багушэвічы” і ААТ “Брадзец”, дзе правялі маніторынг быту маладых спецыялістаў, якія прыбылі сёлета працаваць у гаспадаркі. Госці пазнаёміліся з бытам маладых людзей, пацікавіліся іх жыццём, праблемамі, узроўнем заробкаў, праверылі іх забяспечанасць усім неабходным для жыцця.
Дарэчы, сёлета ў раён па лініі сельскай гаспадаркі прыбылі працаваць 20 маладых спецыялістаў з вышэйшай і сярэдне-спецыяльнай адукацыя (у тым ліку 6 па мэтавых накіраваннях), сярод якіх аграномы, бухгалтары, спецыялісты па бяспецы працы і іншыя. Як расказала Марына Аляксандраўна, падобныя знаёмствы праводзяцца не ўпершыню, і ўжо сталі традыцыйнымі. Яны дазваляюць вызначыць праблемныя пытанні ў забеспячэнні быту маладых прафесіяналаў.
Аляксандр БЫЧКОЎСКІ.
Фота аўтара.
г. Березино, ул. Комсомольская, 27
gazeta@b-panoram.by
+375-1715-6-92-71
637