Па-першае, працуе яна на раздоі і ад вынікаў яе работы напрамую залежыць прадуктыўнасць каровы ў будучым. Таму без дадатковай цеплыні і душэўнасці тут не абысціся.

Па-другое, Наталля Вікенцьеўна не проста спецыяліст са стажам (пачынала яна шлях у жывёлагадоўлю з 16 гадоў, пэўны час была нават асемянатарам), а ўяўляе сабой сямейную дынастыю, якую пераняла ў свой час ад матулі.

Па-трэцяе, жанчына з’яўляецца мнагадзетнай матуляй і гадуе чацвярых сыноў, з якімі жыве ў Беразіно ў добраўпарадкаванай кватэры, атрыманай у адпаведнасці з Указам Прэзідэнта Рэспублікі Беларусь аб падтрымцы мнагадзетных сямей. Усе гэтыя якасці, памножаныя на стараннасць у працы і высокія вытворчыя паказчыкі, і далі падставу для таго, каб прозвішча і фотаздымак руплівай гаспадыні былі занесены на раённую Дошку гонару.