У жывёлагадоўлю прыйшоў яшчэ юнаком, дакладней у 16 гадоў, калі толькі закончыў дзевяць класаў Мікуліцкай школы. Выбар прафесіі не быў выпадковым: на мясцовай ферме шчыравалі маці-даярка і бацька – таксама жывёлаводам. Таму любоў да жывёлы ў мужчыны ўжо даўняя, як і да справы, якой займаецца ўжо больш як трыццаць гадоў.

– Мне падабаецца мая праца, – шчыра расказвае Сямён Георгіевіч. – Заўсёды іду на ферму з добрым настроем. Тут у нас сапраўдны сямейны мікраклімат. Задавальняюць і ўмовы працы, і зарплата, і адносіны кіраўніцтва гаспадаркі. Радуе і тое, што наш калектыў, узяўшы добры рытм яшчэ летась, не збіваецца з яго і зараз, нарошчвае паказчыкі па вытворчасці малака і мяса. І вельмі прыемна ўсведамляць, што ў гэтых поспехах ёсць і мой уклад, а мае намаганні садзейнічаюць росту паказчыкаў.

Анатоль ПАЛЫНСКІ.

Фота Івана ЖУКОЎСКАГА.