І лагатып, і сімвалічны сцяжок

Date 21.08.2022 Man
Comment 471
І лагатып, і сімвалічны сцяжок

Не так часта ўбачыш на дарогах Бярэзіншчыны аўтамабілі з чырвоным сцяжком, на якім вялікімі белымі літарамі напісана лічба “1000”.

Калі сустрэнеце такую, то ведайце, што за рулём – адзін з вадзіцеляў-тысячнікаў, перадавік сёлетняга жніва.

У гэты чацвер з рук старшыні райкама прафсаюза работнікаў АПК такі флажок атрымаў і вадзіцель СУП “Здравушка-агра” Мікалай Шах.

Да таго ж, першы намеснік старшыні раённага выканаўчага камітэта, начальнік райсельгасхарчу Карына Аруцюнян уручыла мужычыну за яго намаганні і працоўную перамогу Падзяку раённага выканаўчага камітэта. Дадаткам стаў і адпаведны лагатып на борт аўтамабіля з указаннем прыналежнасці яго ўладальніка да ліку тысячнікаў.

Так на Бярэзіншчыне шануюць і ўшаноўваюць сваіх лепшых хлебаробаў і ўдзельнікаў жніва. Хвала ім за старанную працу і паклон!

Анатоль ПАЛЫНСКІ.

Фота аўтара.    

Источник:
Нашли ошибку? Выделите её и нажмите CTRL + ENTER