Тут таксама нярэдкія выпадкі, калі людзі ідуць галасаваць сем’ямі, нават з маленьмікі дзеткамі!

Напрыклад, Галіна Міхайлаўна і Аляксандр Канстанцінавіч Рузаевы прыйшлі сёння ў першай палове дня, каб выказаць сваю грамадзянскую пазіцыю і аддаць галасы за будучыню Беларусі, мір і далейшы росквіт краіны, развіццё дзяржавы. І яны не саромяцца выказаць ўласнае меркаванне, бо будучыня краіны ў многім залежыць ад сённяшняга рэферэндуму і нашага добрасумленнага ўдзелу ў гэтай падзеі.

Паралельна з галасаваннем, пры неабходнасці можна прама на месцы праверыць ціск. Загадчыца Лешніцкага ФАПа Алена Барысёнак дапаможа праверыць стан здароўя і даць адпаведную кансультацыю, і гэта ў рамках акцыі “Ведай свой ціск”. За ціскам варта сачыць, бо ён можа змяняцца ад любых перападаў настрою. А абавязак клапаціцца за ўласнае здароўе, нагадаем, закладзены ў новую Канстытуцыю.

Не толькі школьнікі спявалі на канцэрце. Выступіла з песнямі ўласнага выканання і дырэктар мясцовай навучальнай установы, старшыня камісіі Наталля Бурцава. Песня – яе хобі, адно з жыццёвых захапленняў, якое дапамагае таленавітаму педагогу і кіраўніку рэалізоўваць творчыя праекты. Тым больш сёння, у дзень, калі па ўсёй краіне адбываецца радасная падзея, якой накавана стаць знакавай у гісторыі сучаснай Беларусі.

У час наведвання ўчастка галасавання ў Лешніцы, у журналістаў раённай газеты склалася агульнае перакананне, што для мясцовых жыхароў удзел у рэферэндуме сапраўднае свята.

Аляксандр БЫЧКОЎСКІ.

Фота аўтара.