– Памятаю той дзень, калі прыйшоў на прадпрыемства маладым спецыялістам, – гаворыць Міхаіл Міхайлавіч, – і як год за годам станавіўся больш сталым і вопытным... Спецыяльнасць я набываў у Мінскім каледжы электронікі – МДПТК. Цяпер магу адрамантаваць любую бытавую тэхніку і радыёапаратуру. І мяняць у сваім жыцці адносна працы нічога не планую.

А вось на сваіх 20-ці сотках у Краснаполлі Міхаіл Міхайлавіч марыць яшчэ шмат паэксперыментаваць і памяняць. Там ён на ўсю моц праяўляе сваю гаспадарскую жылку – набыў 30 новых саджанцаў, пасадзіў грэцкі арэх, чарэшню, гібрыды грушы, персіка... Радуе яго і яблыневы сад. Там і “Белы наліў”, і “Антонаўка”, і “Жэнева”...

– “Антонаўка”, калі зрабіў поўную абрэзку, – гаворыць Міхаіл Міхайлавіч, – парадавала ўраджаем: назбіраў  ажно 12 вёдраў яблыкаў! Ураджаем радуюць і радыска, і цыбуля, і часнок, і, вядома, бульба – любімая гародніна.

У працоўным калектыве Міхаіла Крывашэя характарызуюць як прафесіянала сваёй справы, чулага таварыша і адказнага, добрасумленнага калегу.

Алена ГРОМАВА.

Фота аўтара.