Усе мы родам з дзяцінства. А дзяцінства – гэта сям’я, школа, сябры і... удзел у рабоце дзіцячых грамадскіх аб’яднанняў!

Менавіта ў гэты дзень – 19 мая -  у 1922 годзе ІІ Усерасійская канферэнцыя РКСМ прыняла рашэнне аб распаўсюджванні вопыту работы першых піянерскіх атрадаў па ўсёй краіне.Па словах дырэктара Бярэзінскай пачатковай школы Мікалая Дубовіка, свята піянерскай дружбы аб’ядноўвае пакаленні, людзей, якія ўмеюць тварыць, радавацца, праяўляць фантазію, з энтузіязмам ісці ў будучыню.

На мерапрыемстве самым актыўным членам піянерскай арганізацыі ўручылі ганаровыя граматы за актыўны ўдзел у жыцці арганізацыі, за актыўную жыццёвую пазіцыю і творчую ініцыятыву, акцябрат прынялі ў піянеры і павязалі ім чырвона-зялёныя гальштукі, яны абдымалі і віншавалі адзін аднаго. А напрыканцы мерапрыемства педагогі разам з вучнямі праспявалі любімую песню пра нашу родную Беларусь!

Са святам! Новых здзяйсненняў і цікавых адкрыццяў! Поспехаў і карысных спраў табе, піянерыя! 

Алена ГРОМАВА.

Фота аўтара.