- Гэта мой унучок, - з лагоднай усмешкай сказаў Уладзімір Уладзіміравіч. – Глядзіш, і праз якіх дзясятак гадоў прыйдзе мне на змену, стане такім жа старанным працаўніком і хлебаробам.

З цікавасцю назіраў малы за тым, як ушаноўвалі яго дзядулю, як адказныя людзі з раённага выканаўчага камітэта ды райкама прафсаюза работнікаў АПК уручалі яму падарункі, а гарманіст дарыў свае заліхвацкія мелодыі. Так, малому ёсць чым ганарыцца і з каго браць прыклад з ранняга дзяцінства, бо Уладзімір Бінжук – сапраўдны хлебароб, выдатны спецыяліст і, як паказвае вынік яго работы, неабыякавы чалавек да роднай зямелькі і вынікаў працы на ёй.

Інакш ці змог бы ён дасягнуць такога паказчыка і уваходзіць у кагорту нямногіх працаўнікоў сельскай гаспадаркі раёна, якім пакарылася гэтая ёмістая лічба.

Анатоль ПАЛЫНСКІ.

Фота аўтара.