Падзяка будзе не апошняй

Date 20.08.2022 Man
Comment 540
Падзяка будзе не апошняй

Падзяка раённага выканаўчага камітэта за працоўную перамогу і дасягненне тысячнага рубяжа на жніве-2022 для Анатоля Зелянкевіча, па яго словах, стане не першай у ліку тых, якія ён атрымліваў за час сваёй работы ў ААТ “Першамайскі” і ўдзел ва ўборачнай кампаніі. Поспех і падзяка за руплівасць прыходзілі да яго і ў мінулыя гады.

Яно і зразумела, бо не можа Анатоль Яўгенавіч абыякава адносіцца да справы і выканання сваіх абавязкаў. Тым больш, калі гаворка ідзе пра хлеб і яго ўборку. А да гэтай работы ў мужчыны адносіны заўсёды асаблівыя.

Што датычыць атрыманай Падзякі, то А. Зелянкевіч паабяцаў размясціць яе на сцяне аднаго з пакояў свайго дома. А калі надарыцца падобная ці нават больш істотная ўзнагарода налета або  наступныя гады, то і ім у гаспадара знойдзецца дастойнае месца.

 

Анатоль ПАЛЫНСКІ.

Фота аўтара.

Источник:
Нашли ошибку? Выделите её и нажмите CTRL + ENTER