Менавіта так і здарылася з вадзіцелем аўтамабіля камунальнага вытворчага прадпрыемства “Бярэзінская ЖКГ” Сяргеем Сямашка, які аддаў роднаму прадпрыемству ўжо больш за 20 гадоў жыцця. Пачынаў тут адразу слесарам, потым шчыраваў на смеццявозе, а пасля пачаў вазіць брыгаду па абслугоўванні цепласетак горада і раёна.

Работы на дадзеным участку ў камунальнікаў заўсёды ўдосталь у любую пару года, не толькі зімой, калі выяўляюцца асаблівыя нагрузкі ацяпляльнага перыяду. Аўтамабіль Сяргея Мікалаевіча дагледжаны і на хаду. Вадзіцель заўжды запатрабаваны ў калектыве, выдатна спраўляецца з даведзенымі заданнямі. Таму зусім невыпадкова, што яго кандыдатура прапанавана на раённую Дошку гонару. Проста патрэбны чалавек знаходзіцца на сваім месцы і лічыць гэта гонарам.

Аляксандр БЫЧКОЎСКІ.

Фота аўтара.