г. Березино, ул. Комсомольская, 27
gazeta@b-panoram.by
+375-1715-6-92-71
08.11.2023
1337
Васілій Міхайлавіч - і вальшчык, і ляснік, і прыбіральшчык. Акрамя сваіх асноўных абавязкаў, леснікам даводзіцца займацца ачысткай прыдарожных палос, збіраць смецце ў лесе. Ад гэтага пакуль аніяк не зберагчыся, бо культура насельніцтва даволі нізкая. Адпачыць у лесе – жадаючых шмат, а прыбраць пасля сябе, здаецца, анікога...
- Тэрыторыя майго абхода працягваецца па Барысаўскай трассе, - распавядае Васілій Міхайлавіч. – Работа мне падабаецца сваёй разнастайнасцю. Штогод займаюся нарыхтоўкай бярозавага соку, як прыйдзе час. Аднак соканарыхтоўчы сезон пралятае імгненна. Потым час – садзіць саджанцы. Зімой на рахунку кожнага дня звычайна – рубкі ўходу за лесам, летам – догляд за маладымі насаджэннямі і г.д.
Акрамя таго, Васілій Міхайлавіч – пастаянны ўдзельнік экалагічных акцый. Яго старанная работа не застаецца без увагі, неаднаразова адзначалася на розных узроўнях. Cёлета таксама - да Дня работнікаў лясной галіны Васілій Багуль быў адзначаны граматай Бярэзінскага лясгаса.
Алена ГРОМАВА,
Фота аўтара.
