Цікавая, змястоўная, не закамплексаваная і карысная адбылася размова ў той дзень. Было пра што расказаць маладым спецыялістам з напрацаванага ўжо вопыту, з таго, як складваюцца ў іх справы на першым працоўным месцы, як прыняла іх наша старонка, ці ёсць нараканні на бытавыя ўмовы і заробкі. Сустрэча насіла форму дыялога і нярэдка яго тон задаваў Дзяніс Ігаравіч сваімі зваротамі і пытаннямі. Не трэба губляцца, падкрэсліў ён, калі здараюцца цяжкасці адаптацыі ў новым калектыве, а тым больш расчароўвацца ў выбранай прафесіі, бо яна вельмі ганаровая і запатрабаваная ў грамадстве. Любыя кадравыя пытанні, перастаноўкі, накіраванне ў іншую сельскасгападрчую арганізацыю вырашаюцца на раённым узроўні. І дапамога ў гэтым плане заўсёды буде аказвацца. Тое ж датычыць і далейшага прафесійнага росту, замацавання на Бярэзіншчыне пасля адпрацоўкі абавяковага тэрміну. Тыя ж, хто паспяхова  пройдзе адпаведнае навучанне і практыку ў перадавых гаспадарках, маюць магчымасць заняць адказную кіруючую пасаду.

І такія прыклады сапраўды ёсць. Так, кандыдатуру маладога агранома ААТ “Брадзец” Ігната Трушко гэтымі днямі ўзгадняюць на пасаду начальніка раённай насеннай інспекцыі. У перапектыўны кадравы рэестр кіруючага персаналу пасля праходжання адпаведнай практыкі на базе лепшых гаспадарак рэспублікі залічаны галоўны інжынер СУП “Зравушка-агра” Уладзіслаў Маркоўскі.

Дарэчы, Уладзіслаў – чалавек мясцовы, навучанне праходзіў па мэтавым накіраванні. Падобна яму на Бярэзінчыну вярнуліся таксама пасля мэтавай падрыхтоўкі Мікіта Крафт, які сёння паспяхова працуе галоўным інжынерам з сельгасфіліяле “Арэшкавічы”, аграном СУП “Зравушка-агра” стаў Максім Пікулік, прадстаўнікамі інжынернай службы ААТ “Пагосцкі” - Уладзіслаў Андрыевіч і Кірыла Мотуз.

Некаторыя юнакі і дзяўчаты, адпрацаваўшы абавязковы тэрмін, заключаюць дагаворы на працяг работы ва ўпадабаных ім калектывах. У іх ліку галоўны аграном ААТ “Пагосцкі” Дзяніс Цітавец і ветурач СУП “АграМАЗ” Кацярына Кокіц. А Арцём Гаруноў, які пачынаў сваю працоўную біяграфію ў існаваўшым раней ААТ “Месціна”, затым спрабаваў сябе ў СУП “Здравушка-агра” і КУП “Мацевічы-агра”, а сёння  прыступае да выканання абавязкаў ветурача ў сельгасфіліяле “Ома”. У пошуках далейшага прыкладання сваіх здольнасцей сёння знаходіцца галоўны бухгалтар ААТ “Бярэзінскі райаграсэрвіс” Аляксандра Токан, якая, верыцца, таксама застанецца на Бярэзіншчыне. Толькі станоўчыя водгукі ідуць пра яе калегу з СУП “АграМАЗ” Аляксандра Бяляева, які зарэкамендаваў сябе і як цудоўны знаўца бухгалтарскай справы, і як адзін з прызёраў конкурсу “Містар-аграпрам”.

Так, па-рознаму складваюцца шляхі маладых спецыялістаў у прафесіі. І многае ў іх далейшай біяграфіі будзе залежыць ад прыкладваемых намаганняў, цярпення, ведання справы, жаання больш глыбокага яе пазнання. З боку ж раённага выканаўчага камітэта і ўпраўлення па сельскай гаспадарцы і харчаванні робіцца нямала для іх прадукцыйнай працы і замацаванні ў сельскай гаспадарцы і на Бярэзіншчыне. А тыя пытанні, якія падкідвае жыццё, - вырашальныя. Таму на завяршэнні сустрэчы з маладымі спецыялістамі прагучала такая прапанова. У ліпені мяркуецца правесці раённы турзлёт для маладых спецыялістаў. І будзе ён праходзіць не толькі дзеля вызначэння лепшай і мацнейшай каманды, а яшчэ і для таго, каб там, на ўлонні, у непрымусовай абстаноўцы, зноў абгаварыць праблемы, даць адказы на пастаўленыя ў ходзе праведеных сустрэч пытанні, выпрацаваць далейшы шлях сумеснай працы.

Завяршылася мерапрымства на прыемным акордзе: прысутныя на сустрэчы маладыя спецыялісты зрабілі цікавую экскурсійную паездку ў Дукорскі маёнтак.

Дарэчы, сёлета наш раён папоўніць як мінімум восем маладых выпускнікоў сельскагаспадарчых вышэйых навучальных устаноў рэспублікі.

І яшчэ. Мэтавыя накіраванні ва ўпраўленні па сельскай гаспадарцы і харчаванні для паступлення ў сельгасВНУ сёлета атрымалі чатыры выпускнікі школ раёна. Гэта Яна Аўтуховіч, Радзівон Карповіч, Аляксей Гоман і Паліна Кавалёнак. Жадаем ім поспеху пры паступленні на абраныя спецыяльнасці і будзем чакаць у якасці маладых спецыялістаў на роднай Бярэзіншчыне!

Анатоль ПАЛЫНСКІ.